Сиёсат ва ахлоқ мувозанати

Ҳозирги даврда давлат ва жамият бошқаруви билан боғлиқ бўлган сиёсат ва ахлоққа доир илмий қарашларни сиёсат фалсафаси нуқтаи назаридан ўрганиш муҳим аҳамиятга эга. Зеро, ахлоқий-маънавий меросимизни ижтимоий ҳаёт билан мувофиқлаштириш асносида сиёсат ва ахлоқ муносабатларини мувозанатда тутиш, уйғунлаштириш, кундалик турмушимизнинг ажралмас қисмига айлантириш зарурати ҳам ошиб бормоқда. Бу жараёнда миллий давлатчилик борасидаги бой меросимизга асосланган мустақилликни мустаҳкамлаш, ўзбек халқ иродаси, орзу ва интилишларини ифода этишнинг ахлоқий мезонларини белгилаш, раҳбар кадрлар масъулиятини ошириш, сиёсат ва бошқарув соҳаларида ахлоқий принципларни қарор топтириш амалий аҳамият касб этади. Шунингдек, асарнинг учинчи қисми Амир Темур давлат бошқарувининг ахлоқий асослари мавзусига бағишланган…