То сўнгги нафасгача

Ушбу китобда Муҳаммад Исмоил ўз ижодий дастурини таъсирчан бадиий шаклда намоён этган. Гарчи китоб ичига ҳикоялар, бадиалар, қиссалар кирган бўлса ҳам, улар бир қалбнинг тарихи каби англанади, бир қалбнинг таржимаи ҳоли, мазмун – моҳияти каби ўқилади ва қабул қилинади Турли жанрлардаги асарлардан ташкил топган ушбу китоб бир қалбнинг эҳтироси ва самимий изҳори бўлгани учун яхлит бир манзарада жамланади. Ҳикоялар бадиаларнинг, бадиалар ихчам лирик қиссаларнинг узвий давомидай таассурот қолдиради, уларни бир – биридан ажратиб бўлмайди. Изҳор ўз давомийлигида турли жанрдаги асарларни яхлит сержило мусиқа остнда бир нуқтада бирлаштиради.