Эндүүрэл
Owen Jones
еган бол ер бусын мэдрэмжтэй арав орчим насны охин бөгөөд чадварыг нь ойлгож туслах хэн нэгнийг хайж байгаа ... боловч тийм хүн олдоогүй л байна
“Эндүүрэл” бол гэрийнхнийхээ хэний ч хийж чадахгүй зүйлийг өөрөө хийх чадвартай гэдгээ улам бүр ухаарч буй, түүний сургуулийн зарим найзууд нь ч адилхан ер бусын чадвартай гэж ярьдаг охины тухай богино өгүүллэг юм. Охиныг Меган гэдэг, одоогоор тус эхний номонд арван хоёр настайгаар гарна. Меганд шийдвэрлэх боломжгүй мэт хоёр асуудал тулгардаг. Эхний асуудал нь түүний ээж охиныхоо нуугдмал авьяаснаас айж, түүнд туслах нь бүү хэл түүнийг нь хориглож урамыг нь хугалдаг, хоёр дох асуудал нь тэр өөрийн ер бусын чадвараа хөгжүүлэхэд нь туслах багш олдохгүй байгаа явдал юм. Эдгээр асуудлыг ээжтэйгээ ярилцах гэж тэр хичээдэг боловч ээж нь төвөгшөөсөн хариу өгдөг бөгөөд аавдаа хэлж төвөг уддаггүй, ээж нь зөвшөөрөхгүй гэдгийг мэдэж байгаа учраас эцэст нь тэр ээжийнхээ талд орохоор болжээ. Меган ээжтэйгээ ярилцаж тохироогүй ч бие биенээ ойлгох холбоо байгааг мэдэрдэг. Ийм холбоо бүх ээж охин хоёрт байдаг холбоо байж болох ч манай хоёрын холбоо илүү дотно ч байж болно. Меган ч өөрийгөө сайн ойлгоогүй байгаа болохоор хэн хэлж чадах билээ дээ? Меганы мэдэж байгаа зүйл бол түүний ээж арваадхан насны охины хүсдэг хайрт ээжийн дүрдээ орохгүй байгаа юм шиг санагдаад байгаа бөгөөд ийм хүсэл нь түүнийг түгшээж байна уу, үгүй юу, тэр итгэдэг хүнтэйгээ ярилцах хэрэгтэй байна. Меган ээждээ ер бусын байдлаас нь айх айдсаа даван туулах цаг хугацаа өгөхөд бэлэн байлаа. Тэр хүлээж чадна, тэр ч байтугай түүний аав нь мэдээгүй ч түүний нууцаар үйлддэг хүчирхийллүүдийг нь ч тэвчиж чадна. Ядаж л өнөөдрийн энэ байдлаа тэвчиж хэлэхгүй байж чадна. “Эндүүрэл” бол Меган ер бусын, сэтгэхүйн чадвараа хэрхэн цааш хөгжүүлэхийг ойлгоход нь туслах хүмүүсийг олсон тул өөрийгөө цааш улам хөгжүүлж буй тухай өгүүлсэн хорин гурван богино өгүүллэгийн эхнийх нь юм. Түүний хувьд зөвхөн юу хийх болон яаж хийх талаар бодоод зогсохгүй онцгой ур чадвартаа ямар зорилго тавихаа бодох ёстой. Меган бол сайн охин тул хүч чадлаа сайн сайханд ашиглах хандлагатай болох нь ойлгомжтой мэт санагдаж байсан ч мэдэж байгаа зөв зүйлээ хийх нь үргэлж амар байдаггүй. Меганы тухай эдгээр түүхүүд нь ер бусын, гоц сэтгэлийн хүчийг сонирхдог, арваас дээш настай хүмүүст сонирхолтой байх болно,
1 ЭНДҮҮРЭЛ
Сүнсний Заавар, Барын Сүнс, Нэг Аймшигтай Ээж!
1 ОУЭН ЖОНС
Орчуулагч:
1 Сод Эрхэмбаяр
Copyright © 2021
Оуэн Жонс
ЭНДҮҮРЭЛ
5 дахь Хэвлэл
Хэвлэх үйлдвэр
Megan Publishing Services
https://meganthemisconception.com (https://meganthemisconception.com/)
Оуэн Жонсын энэхүү бүтээлийн зохиогч болох эрхийг 1988 оны Загвар Патентийн Зохиогчийн эрхийн тухай хуулийн 77, 78-р хэсэгт заасны дагуу баталгаажуулсан болно. Зохиогчийн ёс суртахууны эрх баталгаажсан.
Энэхүү уран зохиолын дүрүүд болон үйл явдлууд нь зохиолчийн уран сэтгэмж, төсөөлийн бүтээл юм.. Зарим газар орон нь байж болох ч үйл явдлууд нь бүрэн зохиомол юм.
Холбоо барих::
http://facebook.com/angunjones (http://facebook.com/angunjones)
http://twitter.com/owen_author (http://twitter.com/owen_author)
owen@behind-the-smile.org (mailto:owen@behind-the-smile.org)
http://owencerijones.com (http://owencerijones.com/)
Доорх вэб хаягаар хандан э-мэйл хаягаа оруулж Оуэн Жонсын ном зохиолуудын мэдээлэл, товхимолыг хүлээн авахаар бүртгүүлж бидэнтэй нэгдээрэй
:
http://meganthemisconception.com (http://meganthemisconception.com/)
Тус цувралын бусад өгүүллэгүүд:
Меганы цувралууд
Сүнсний заавар, Барын Сүнс болон Аймар Ээж!
Эндүүрэл
Мегэны Арван Гурван Нас
Меганы Сургуулийн Аялал
Меганы Сургуулийн Шалгалт
Меганы Дагагчид
Меган ба Төөрсөн Муур
Меган ба Хотын Захирагч
Меганы Царай Егөөдөл
Меганы Өвөө Эмээгийн Айлчлал
Меганы Аавын Өвдөлт Ill
Меган Амралтанд Явав
Меран ба Хулгайч
Меган ба Дугуйчин
Меган ба Хөгшин Хатагтай
Меганы Цэцэрлэгт Хүрээлэн
Меган Зоопарк Явсан Нь
Меганы Явган Аялал
Меган ба W. I. Тогоочийн Тэмцээн
Меганы Жолоодлого
Меган Дарвуулт Онгоц Дээр
Меган Карнивал Дээр
Меган Зул Сарын Баяр Дээр
1 ӨГҮҮЛЭХИЙН УЧИР
Тус хэвлэлийг чадах чинээгээрээ миний амьдралд тусалдаг, үүгээрээ ах дүү бид нарыг өсгөж хүмүүжүүлсэн эцэг эх Колин болон Марион нарыг минь баярлуулж байдаг хайрт гэргий Праном Жонсод зориулж байна. Буян нь дэлгэрэг.
1 ТАЛАРХАЛ
Шаргуу хөдөлмөрч эхнэр Праном болон хавтасны зураг загварыг хийхэд тусалсан найз Лорд Дэвид Проссерт талархалаа илэрхийлье.
1 УРМЫН ИШЛЭЛҮҮД
“Сонссон зүйл болгондоо шууд бүү итгэ,
Хүний хэлсэн болгонд, цуурхал бүрт нягтлалгүйгээр шууд бүү итгэ,
Та шашны ном судраасаа уншсан болгондоо нягтлалгүйгээр шууд бүү итгэ,
Ахмадууд, багш нарын эрх мэдэлд нягтлалгүйгээр шууд бүү итгэ,
Үеэс үед дамжин ирсэн уламжлалд нягтлалгүйгээр шууд бүү итгэ,
Гэвч ажиглалт шинжилгээ хийсний дараа, аливаа зүйл үндэслэлтэй нийцэж, хэн нэгэн болоод бүгдэд сайн сайхнаар нөлөөлж байвал түүнийг хүлээн авч түүнд нийцүүлэн амьдар”
Гуатама Будда
––
Дуу хоолой нь салхинд гардаг Агуу Сүнс, намайг сонс. Намайг хүч чадал эрдэм мэдлэгээр өсгөөч.
Улаан ягаан нар жаргах бэлгийн нүдийг хайрлаач. Таны өгсөн зүйлсийг миний гар хүндэтгэн авах болтугай.
Олон зууны тэртээх хүмүүст зааж сургасан шиг навч, чулуу болгоны доор нуугдсан нууцуудыг надад зааж өгөөч.
Хамгийн том дайсан болох өөртэйгээ тулалдахын тулд (ахынхаас их биш) өөрийн хүчээ ашиглая .
Дэлхий дээрх амьдрал минь нар жаргахтай адил алга болоход миний Сүнс ичгүүргүйгээр танд эргэж очихын тулд би үргэлж чиний өмнө цэвэр гар, нээлттэй сэтгэлээр үг хэлэхийг зөвшөөрөөч..
(Sioux-ийн уламжлалт залбиралд үндэслэсэн)
1 1 ХОБСОНЫ СОНГОЛТ
Меган дахиад л нулимс бүлтэлзүүлэн нүүрсний зооринд түгжигдэв. Тэр дөнгөж арван хоёрхон настай, ээж нь яагаад түүнд ийм аймар зүйл хийж байгааг тэр ойлгохгүй байв. Өмнө нь тав зургаан удаа ингэж зооринд түгжигдэж байсан ч түүний аав энэ талаар юу ч мэдээгүй гэж тэр боджээ. Тэр аавдаа хэзээ ч энэ талаар хэлж байгаагүй бөгөөд түүний ээж ч энэ талаар хэлэхгүй гэдэгт итгэлтэй байв.
Меган ээжтэйгээ бие биенээ доош хийхгүй байх аман бус тохиролцоотой байгаа ч тэр дахиад л, бохир тоостой орчинд хэний ч мэдэхгүй аймшигт амьтадтай зооринд хоригдож байна.
Тэр өөрөө ч мэдсэнгүй. Түнэр харанхуйн дунд ээжээсээ гаргаж өгөөч гэж уйлж гуйх чадалгүй болов. Урьд нь тэгэж гуйдаг байсан боловч түүний ээж суллагдах болзол гэж үндэслэлгүй шаардлага тавьдаг байжээ. Түүний мэдэх шаардлагууд нь охин биелүүлж чадахааргүй, оролдлого хийж үзэхэд ч маш хүнд шаардлагууд юм.
Заримдаа, тохиролцоог анхаарч үздэг цор ганц хүн нь өөрөө юм шиг санагддаг байв.
Өөрөө ч мэдэлгүй, түүний нулимс дахин хацрыг нь даган урсаж, түүний нүүрэн дээрх тоосон дээгүүр үл мэдэгдэм зураас татуулан, нүүрсний тоосыг урсган сурагчийн форм дээр нь унагав. Тэр үнэхээр их уйлав. Түүнийг маш сайн ойлгодог ээж нь ганц охиндоо яаж ингэж бүдүүлэг хандана вэ?
Ээж нь зоорины хаалганы хажуугаар өнгөрөхдөө хаалгыг нь тоос сорогчоор албаар цохиход Меган өөрийн эрхгүй үсрэв. Тайтгар төрүүлэх сүүмэлзсэн гэгээ ч байхгүй, тэгээд ч тэр өөртөө хамгийн их тус болох зүйлийг хийж нүүрсний овоолог өөд зүтгэж хана хүрээд дараа нь баруун талруугаа зүтгэж буланд хүрэв.
Тэр хувцсаа хөлд тээг болгохгүйн тулд урт даашинзаараа хөлөө ороон хумиж тогтоов. Тэр цамцныхаа бүх товчийг товчлоод, оймсоо татаж, свитер цамцаа толгойдоо углаж, гараа ханцуйдаа хийв. Ингэснээр Меган нүүрсний зооринд байх амьтдаас аюулгүй болгоно гэж мэдэж байв. Тэр сүнс, хий үзэгдэл зэрэг зүйлээс айгаагүй боловч хамгийн асуудалтай нь түүн дээгүүр шавж гүйж, түүнийг хазан цусыг нь сорж байна гэж бодохоос тэвчихийн аргагүй болов. Тэр бас аалзнуудыг үзэн яддаг боловч сургуулийн дүрэмт хувцсаараа ороон хамгаалсан ч оймсных нь дээгүүр хэдхэн инчийн зай ил гарсанг мэдэж байв. Тэр үхэрнүүдээ өөрийн гуяндаа сайн шахаж тэвэрсэн тул ойролцоолвол хэдхэн инчийн зай л ил гарсан байлаа.
Тэр уйлахаа больё доо гэж бодов. Хэсэг хугацаанд ч гэсэн тэр эцэст нь суллагдах болно, хүлээнэ гэдгээ мэдэж байлаа. Хэзээ ийм зүйл болох вэ гэвэл – ойролцоогоор 5 цаг 30 минутын үед, түүнийг цэвэрхэн болгож амжихаар, аавыг нь ажлаасаа ирэхээс цаг хагасын өмнө болно.
Меган яагаад ээж нь ийм зүйл хийж байгааг ойлгож байв. Учир нь Меган биш ээж нь өөрөө айж байв. Түүний ээж охиноо сүрдүүлж, хүссэнээрээ түүнийг айлгах санаатай байв. Асуудал нь Меган сүрдээгүй бөгөөд сүрдэх юм байгаагүйгээс болжээ. Тэр олон зуун удаа ээждээ тайлбарласан боловч тэрээр түүнийг шууд одоогийн байдалд оруулж дуугүй болгожээ.
Түүний эцэг эх хоёул Католик шашинтай, ээж нь хэт Католик сүсэгтэй бөгөөд аав нь арай тийм биш. Ээж нь Хойд насны амьдралаас эмээдэг, ээж нь хэлэхдээ зөвхөн өөрийнхөө төлөө биш, тэр өөрөө сайн Католик шашинтай хүн гэж үздэг, үүргээ сайн гүйцэтгэсээр байвал Диваажин дэх байр сууриа аль хэдийн баталгаатай болгоно гэдэгтээ итгэлтэй байна гэжээ. Меганы хувьд асуудал бол ээж нь гүйцэтгэх үүргийнхээ нэг хэсэг нь охиноо нүүрсний зооринд түгжих явдал гэж бодсонд байгаа юм. Тийм учраас тэр тэнд байна.
Түүний аав бас Католик болж төрсөн боловч ээж шиг нь хэт шүтлэгтэй биш. Хэрэв хүмүүс мөнхийн ял шийтгэл хүлээхийг хүсвэл энэ нь зөвхөн тухайн хүний хэрэг гэж тэр үздэг байв. Тэрээр өөрийнхөө болон хайртай хүмүүсийнхээ төлөө санаа тавьдаг байсан ч бяцхан охидын хувьд ч гэсэн чөлөөт сонголт байгаа гэдэгт итгэдэг байв.
Тэр жоохон ч гэлээ, ээж нь түүнийг хамгийн их анхаардаг гэдгийг ойлгосон учраас Меган хэдий ээж нь түүнд юу хийдэг байсныг үл харгалзан аав ээж хоёртоо хоёуланд нь хайртай. Меган хоёуланг нь адил хайрлахыг хичээсэн боловч Меганы бодлоор асуудал нь түүний ээжид сайн Багш байгаагүй эсвэл ээж нь өөрийн нүд, чих, мэдрэхүйдээ итгэхээс айдагт байдаг юм.
Сайн багш нар ямар байдгийг тэр баттай мэдэхгүй, гэхдээ түүнд болон бусад хүмүүс сайн багштай гэдгийг тэр мэдэж байсан боловч ээж нь тэднийг хүлээн зөвшөөрдөггүй тул ээж нь бусад хүмүүс сайн багштай гэдэгт итгэхийг хүсдэггүй байв. “Эцсийн эцэст” ээж нь түүнд “Би гучин дөрөвтэй, чи дөнгөж арван хоёртой. Би Католик шашны сургуульд сурч байсан бол чи зөвхөн нийтлэг шашины цогцолбор сургуульд сурдаг ‘ гэж хэлжээ.
Түүний ээж ерөнхий боловсролын сургуульдаа ямар нэгэн асуудалгүй байсан бололтой, гэхдээ тэр “interdenominational-нийтлэг шашин” гэдэг үгийг шүлстэйгээ хаячихжээ. Меган энэ асуудлыг хэзээ ч ойлгож байгаагүй. Тэрээр ихэнх шашнаас сайн-муу, ухаалаг-тийм ч ухаалаг биш, ухамсартай-тийм ч ухамсартай биш зүйлстэй тулгарч байсан.
Түүний ээж үнэнч сэтгэлтэй, ухаалаг, өндөр ухамсартай ангилалд багтжээ.
Түүний аав сайн, ухаалаг, сайн ухамсартай болов.
Меган өөрийгөө сайн, боломжийн ухаалаг, маш ухамсартай гэж дүгнэжээ.
Энэ бол түүний асуудал юм. Тийм ч учраас эр нүүрсний тас харанхуй нүхэнд одоо ч дээгүүр нь гүйж байж магадгүй амьтадтай хамт түгжигдсэн юм. Тэр бодлоосоо болж дагжсан боловч, аандаа ийм болно гэдгийг мэдсэн шиг одоо уйлахаа болив.
Түүнд хоёр сонголт байгааг мэдэв.
Тэр аавынх нь хойгуур өөрт нь юу тохиолдоод байгааг ар араас нь хэлж, хэрүүл маргаан үүсгэж, улмаар гэр бүл салгаж асрамжинд очиж магадгүй юм шиг эсвэл хэлсэн шиг нь мэдээгүй юм шиг дүр үзүүлэх байлаа.
Меган зооринд түгжигдэхдээ хамгийн сайн хийж сурсан зүйл бол өөр зүйлийн талаар бодох юм. Хамгийн их бодох дуртай зүйл бол түүний найзууд гэдгийг мэджээ. Тэр олон найзтай байсангүй, гэхдээ тэд түүнд онцгой байсан юм. Түүний хайртай найзууд нь түүний өвөө Вачининша болон түүний тэжээвэр муур байв.
Тэр нүдээ анин тайвшрахыг хичээгээд тэд урд нь зогсож байгаа эсвэл хажууд нь сууж байгагаар дүрслэхийг хичээв. Энэ нь түүнд үргэлж дулаахан мэдрэмж төрүүлдэг байсан тул тэр сэтгэлээр унах үедээ үүнийг хийдэг байв. Энэ бол амьдрал шударга бус мэт санагдах үед түүнийг даван туулах түүний бяцхан заль мэхний нэг байв.
Меган гуяныхаа араар ямар нэгэн зүйл дээш цамнаж байгааг мэдрэх шиг болж, цамцныхаа доороос намуухан чимээг сонслоо.
Тэр хэсэг зуур хөшиж орхив.
1 2 УХААРАЛ (СЭРЭМЖ)
Энэ бүхэн түүнийг дөнгөж хөлд орж байх үеэс эхэлсэн юм. Эцэг эх нь хоёулаа ажилладаг байсан тул өдөр нь (ээжийн ээж) эмээ дээрээ үлддэг байв. Ээжийнх нь эцэг эх нь уламжлалт зан заншилтай байсан бөгөөд нөхөр нь ажилдаа явж, эхнэр нь гэртээ үлдэж гэр орны ажил хийдэг, хүүхдүүд нь тусдаа гараад гэрээсээ явсан айл байв. Хатагтай Уайт хэзээ ч өөрийн найз нөхөдтэй байгаагүй. Түүний таньдаг хүмүүс нөхрийнх нь найз эсвэл нөхрийх нь найзын эхнэр байсан тул хатагтай Уайт өөд болохдоо огт найзгүй байсан.
Хатагтай Уайт хэд хэдэн удаа өөрийгөө уйтгар, ганцаардлаас болж галзуурч байна гэж бодож байжээ.
Меганыг өдөр, хааяа шөнө харж хандах нь бурхны бэлэг байлаа. Хатагтай Уайт үүний ачаар уйтгараас болж галзуурах шахахаа больсон гэж олон хүнд хэлэхийг хүсч байсан боловч хэдэн жилийн дараа Меган үйл явц эхлэхээс нь өмнө эртхэн ирдэг байж дээ гэж олонтаа боддог байв.
Меганыг нялх байхад нь ямар нэг зүйл буруу болсныг харуулсан анхны шинж тэмдэг байв. Меган тоглоом, эд зүйлээ зүүн гараараа түүж эхэлсэн нь хатагтай Уайтад маш муу тэмдэг байв. Эхлээд хатагтай Уайт эд зүйлийг зүгээр л Меганы баруун гарт шилжүүлж өгөөд “Зүүн гар бол муу, баруун гар нь сайн” гэж хэлдэг байсан боловч хэдэн долоо хоногийн дараа Меган зөв арга барилаа сураагүй хэвээр байсанд зүүн гарыг нь зөөлөн алгадсан нь зүүн гар нь муу гэсэн үг байв.
Өдий насны бүх хүүхэд сурах байсантай адил, хатуу чанга Павловын сургалтанд хамрагдсаны дараа Меган баруун гараа ашиглаж сурав. Түүний эмээ Меганы сургалт хэрхэн үр дүнтэй байгаад маш их баяртай байсан тул нэг өдөр тэр сайн мэдээг охиндоо анзаараагүй байхад нь ялгуухнаар мэдэгдэв, Меган зүүн гараа хэрэглэх дуртай байсан бол одоо зөвхөн баруун гараараа юм авч явдаг болжээ.
Меганы ээж Сюзан энэ талаар юу ч бодоогүй байв. Тэрээр ээжид нь ‘сонин хачин арга’ байдгийг мэдэж, түүнд зөвшөөрөв. Гэсэн хэдий ч түүний санаж чадаагүй зүйл бол ээж нь түүн дээр туршсан байх ёстой байсан бөгөөд хэрэв тийм биш байсан бол тэр өөр хүн байх байлаа. Эхлээд тэр солгой байх ёстой байв.
Сюзан өөрийн нөхөр Робертод Меган төрөлхийн зүүн гараа ашиглах хандлагатай байсан гэж хэлээгүй, харин түүнийг “зодсон” тул, аав нь өөрөө солгой гартай, ийм хуучин мухар сүсэгт тэвчээртэй ханддаг тул үүнийг хүлээн зөвшөөрөхгүй байв. Хатагтай Уайт Робертийг үл зөвшөөрсөн нэг шалтгаан нь тэр солгой байсан боловч түүнийг болон түүний сүнсийг аврахад аль хэдийн оройтсон гэж үзжээ.
Түүнийг Сюзанд дурлаж, эцэст нь Роберттэй гэрлэх хүртэл бүгдийг хэцүү болгохын тулд бүх чадлаараа хичээсэн байна. Түүнийг үглэж, гадагш гарахыг нь хориглож, халаасны мөнгө өгөхгүй байж, шатны доорх шүүрний шүүгээнд түгждэг байжээ.
“Миний охион, чамайг ийм зан гаргана гэдэгт би итгэхгүй байна” гээд хажуугаар өнгөрөхдөө шүүгээний хаалгыг цохин хашгирдаг байжээ. “Эмнэлэгт солигдсон байх гэж бодож байна. Би чам шиг охинтой болохооргүй байсан” гэж хэлжээ.
Сюзан азтай байж. Тэдний байшинд нүүрсний нүх биш нүүрсний бункер байсан ч, хатагтай Уайт охиндоо тэнд “буг чөтгөр” байгаа байх гэж хэлсэн учир тэр шүүрний шүүгээг адилхан аймшигтай газар гэж тэр бүр өсвөр насандаа олж мэдсэн бөгөөд Меганы дургүй байх ижил шалтгаанаар болон бусад зүйлсээс болж хоригддог байв. Тэрээр ийм тохиолдолд Сюзаныг буланд чимээгүйхэн суугаад толгойгоо халхлахыг зөвлөсөн бөгөөд ингэсээр ‘буг чөтгөрүүд түүнийг анзаарахгүй байх’ гэжээ.
Меганыг ярьж сурсны дараа хатагтай Уайт үүнийг хувийн амжилт гэж ойлгов. Тэрбээр Сюзан, Роберт нарт энэ талаар огтхон ч гавьяа өгөөгүй бөгөөд “орчин үеийн эцэг эхчүүд” хүүхдүүддээ цаг зав гаргадаггүй, хэрэв өвөө, эмээ нар нь байгаагүй бол дараагийн үе нь “бүрэн тэнэг” болно гэж найз нартаа хэлж байжээ.
Хатагтай Уайтийн ихэнх танилууд түүнийг ямар хүн болохыг мэддэг байсан бөгөөд зүгээр л зөвшөөрсөн шинжтэй толгой дохиж, ярианы сэдвийг өөрчлөн эсвэл боломж байвал яаран явдаг байв. Яриа нь ихэвчлэн дараахь байдлаар өрнөдөг байв.
“Аа, хатагтай Уайт, та бяцхан Меганыг харж охиндоо туслах гайхалтай ажил хийж байгаа гэдэгт би итгэлтэй байна … Энэ жил хайтан цэцгүүд нь ямар байна вэ?”
Ноён Уайт өөрийн төсөөллийг хязгаарлахын тулд Дэлхий дээр байхаа больсон тул бяцхан Меганыг эмээгийнх нь аашинд орхисон боловч энэ нь огт үнэн биш байсан. Хатагтай Уайтын хөлний урд шалан дээр сууж байхдаа Меган заримдаа тоглоомоо гаргаад ‘Өвөө’ -дөө өгдөг байв.
Эхлээд хатагтай Уайт хүүхдийг будилж байна гэж боддог байв. Тэрээр ‘бусад өвөө эмээ нар” түүний бяцхан туслагчийг будилуулдаг гэж таамаглаж байснаар буюу өмнө нь мэдэж байсан туршлагаараа, Меган тоглоомоо өргөн ‘Өвөө’ гэж хэлэхэд эмээ нь аваад “Эмээ” гэж хэлж байв. Дараа нь цөхрөнгөө барж, ‘Эмээ, Меган, Өвөө биш!’ гээд түүний хөлийг нь зөөлөн алгадав.
Гэсэн хэдий ч Меган түүнийг “Өвөө” биш харин “Эмээ” гэж дуудах нь түүнд ямар ч аргаар хамаагүй баруун гараа ашиглахаас илүү хэцүү байв. Меган мөн “муужгай” гэж дуудсан бөгөөд агаарыг илбэж, хөхрөх нь илт харагдаж байв.
Меган “муужгай” “Гррр” гэж дуудаж эхлэхэд хатагтай Уайт хүүхдийн хэт их төсөөллийг буруутгаж байсан боловч ‘өвөө’ гэсэн үгс түүнийг зовоосоор байв. Нэг өдөр тэр Сюзанаас Меган Робертын эцэг эхийг хэн гэж дууддагийг асуув.
“Өө, Меган үнэхээр эгдүүтэй. Тэрбээр эмээ, өвөө нарт зориулсан Уэльсийн үгсээр ‘Наин ба Тэйд’ гэж дууддаг. Тэд биднийг түүнийг Уэльсийн сургуулийн насанд хүрэхэд нь тэдэнд өгөхийг хүсч байгаа ч Роберт бид хоёр одоогоор итгэлгүй байна. Ээжээ та юу гэж бодож байна?” гэж асуув.
Хатагтай Уайт Меганыг Католик шашны сургуульд сурна гэж найдаж байсан боловч Зүүн Гарт Роберт хүүхдүүд шашин шүтлэгтэй байх ёстой гэж итгэдэггүй тул ийм боломж бага байгааг мэдэж байсан. Бах! Тэр юу мэддэг юм бэ? Зүүн гарт хүн энэ талаар юу мэдэх вэ? гэж боджээ.
Гэхдээ тэр “Хонгор минь, Меганыг явуулахдаа маш болгоомжтой байгаарай. Түүнийг хүндэтгэл заадаггүй эсвэл хуучны сайн сахилга батыг сахидаггүй солгой хүмүүс багшилдаг, орчин үеийн хатуу ширүүн аль ч сургуульд оруулахыг битгий хүсээрэй, үгүй бол Меган Дунд Боловсролын Ерөнхий Гэрчилгээний шалгалт хүртлээ гэртээ байж магадгүй юм” гэжээ. Тэрээр “зүүн гар”, “хүндэтгэл”, “сахилга бат” гэсэн түлхүүр үгсээр Сюзаныг өөртөө татна гэж найдаж байсан ч Робертын тэнэг солгой санаанд охиноо алдчихвий гэж айжээ.
Түүний хийж чадах бүх зүйл бол Меганы ялзрал/цадиггүй байдлыг зогсоох байв. Роберт болон түүний охины ядуу, ялдам байдлыг үгүй хийж мэдрэмтгий болгох ялзрал/цадиггүй байдал. Түүнийг шатан дор түгжихийг оролдох санаа байсан боловч Роберт хэзээ нэгэн цагт мэдвэл Мегантай байхыг сүүлчийн удаа зөвшөөрч, дараа нь хоёулаа үүнээс ч дор болно гэдгийг мэдэж байв. .
Гэхдээ хатагтай Уайт дотроо муудалцаж үүнээс дор байдалд хүрвэл асрамжийн газрын гадаа очиж үхэхээс өөр замгүй болно гэдгийг сайн мэдэж байв.
Конец ознакомительного фрагмента.
Текст предоставлен ООО «ЛитРес».
Прочитайте эту книгу целиком, купив полную легальную версию (https://www.litres.ru/pages/biblio_book/?art=65495047) на ЛитРес.
Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.